Dizoloit an holl obererezhioù kinniget gant Kentelioù an Noz ar bloaz-mañ, ouzhpenn ar c’hentelioù !
Kanañ
Ar stal ganañ a vez anezhañ ur Merc’her bep miz ha kaset eo da benn gant Kristin David. Un digarez dreist da gomz brezhoneg, da ganañ a-stroll ha da binvidikaat ho toniaouegoù !
E ti an animatourez, karter Beauséjour
Bep trede Merc’her ar miz da 6e30.
Emgav a zeu : d'ar Merc'her 16 aviz Du
Priz : 45€ ar bloaz + 20€ emezelañ
Tro ha bistro
Adkavit ac’hanomp ur wech bep miz, bep miz an aliesañ, a-benn komz e brezhoneg tro-dro d’ur banne en un davarn !
Degemeret e vez an deraouidi.
Lakait hoc'h anv evit reseviñ hol lizher-kelaouiñ bep miz evit gouzout munudoù an emgav a zeu.
Digoust / Pep hini a bae h·e lod.
C'hoarioù-taol
Aozañ a reomp a-wechoù nozvezhioù-c'hoari e brezhoneg. Arabat kaout aon, ar reolennoù a vez displeget gant an tavarnour.
Enskrivadur ret, priz dieub.
E tavarn Le Zinc de Trèfle
14 straed Grande Biesse, 44200 Naoned
Sevel ur gronikenn
Pal ar stal a zo deskiñ sevel ur gronikenn : skrivañ, difaziañ, dibunañ, enrollañ ha selaou a zo 5 tennad ar prantad-se ! Radio Naoned a hento ac’hanoc’h e krouidigezh ho kronikenn ha Kentelioù an Noz a sikouro ac’hanoc’h war an difaziañ. Deuit gant ho mennozhioù !
e Radio Naoned
2 alez Henri Farman, 44800 Sant-Ervlan
Enskrivadur ret.
Digoust evit an izili
Deiziadoù :
09/09
04/11
19/11 (e Saloñs Levrioù Gwenrann)
13/01
Bodad Lenn
Ar Bodad Lenn a gej e-tro ur wech bep miz a-benn komz eus ul levr pe zaou e brezhoneg bet dibabet en a-raok (ul levr gant ul live brezhoneg uhel a-walc’h hag un eil aesoc’h).
E Yezhoù ha Sevenadur
12 bali an Angevinière, 44800 Sant-Ervlan
PE en Toutes Aides Café, 8 straed Ville en Pierre, 44000 Naoned
da 10e30
20€ ar bloaz (priz an emezelañ)
Kentel lenn
Palioù ar stal-mañ a zo lenn levrioù dibabet hervez al live barregezh e brezhoneg, dizoleiñ lennegezh Breizh pe troet e brezhoneg, en em gavout evit eskemm e brezhoneg diwar-benn ar pezh a zo bet lennet ha pleustriñ war ar yezh dre gomz.
Deiziadoù : 14/10 – 18/11 – 09/12 (e KDSK) – 10/02 – 09/03 – 13/04 – 25/05
e Kreizenn Sevenadurel Yezhoù ha Sevenadur (Sal-stummañ)
12 bali an Angevinière, 44800 Sant-Ervlan
Bep eil Sadorn ar miz da 10e30.
20€ ar bloaz (priz an emezelañ)
Pourmenadegoù
Teir gwech ar bloaz, deuit da zizoleiñ pe da zizoleiñ adarre lec’hioù liesseurt Liger-Atlantel gant Yann-Lukaz Badeaud, kelenner ha prezidant Kentelioù an Noz Gwinieg el Lavreer-Botorel abaoe bloavezhioù.
Digoust
