Stajoù

Deuit davedomp evit mont war-raok e brezhoneg !

Kinnig a reomp 4 frantad staj e-pad ar bloaz  :

  • Un devezh staj d’ar Sadorn 27 a viz Du 2021 e kreizenn Yezhoù ha Sevenadur e Sant-Ervlan
  • Un dibenn-sizhun staj e Penc’herieg d’ar 26 ha 27 a viz C’hwevrer 2022 (posubl eo ober un devezh nemetken pe zaou)
  • Un devezh staj d’ar Sadorn 2 a viz Ebrel 2022 e kreizenn Yezhoù ha Sevenadur e Sant-Ervlan
  • Ur staj ur sizhun etre an 11 hag ar 15 a viz Gouere 2022 e kreizenn Yezhoù ha Sevenadur e Sant-Ervlan (staj kenaozet gant Skol an Emsav)

Staj ur sizhun eus an 11 d’ar 15 a viz Gouere 2022

Staj holl liveoù !

Skol an Emsav (Roazhon) ha Kentelioù an Noz (Naoned) a ginnig deoc’h ur sizhunvezh staj dudius, plijus ha pleustrek en ur greizenn gouestlet d’ar brezhoneg e Bro-Naoned. Posubl e vo heuliañ ar staj gant ar bod ha boued evit ar re o devo c’hoant da vrezhonegañ noz-ha-deiz e-pad ar sizhun (predoù noz, beilhadegoù…), pe o vezañ hanter-lojad·ez. Ar staj-mañ a vo evit an holl liveoù, deraouidi pe tud varrek. Kentelioù a vo war an deiz ha meur a live a vo kinniget. Pep hini a c’hallo mont war-raok, diouzh h·e lusk ha diouzh h·e live.

Sonerezh en Naoned

E 2022 e kinnig deoc’h ar skipailh mont war-raok gant ho prezhoneg en ur gomz eus ur perzh eus identelezh an Naoned : ar sonerezh ! Pourmenadennoù, kejadennoù, obererezhioù ha beilhadegoù tro-dro d’an dodenn-mañ a c’hallo lakaat ac’hanoc’h da glevet ha da implijout ar brezhoneg e-maez eus ar c’hentelioù. Gant plijadur !

Priz ar staj
Bod ha boued – Priz leun330€
Bod ha boued – Priz digresket260€
Kentelioù & pred kreisteiz – Priz leun260€
Kentelioù & pred kreisteiz – Priz digresket210€
CPF600€
Studierien M1 MEEF (testeni rag/enskrivadur da reiñ)220€

-15% war priz ar staj evit ar re a lakay o anv a-raok an 30 a viz Ebrel !

  • Mizoù da lakaat e anv : 50€ da baeañ dre bPaypal (liamm a-us) pe dre chekenn
  • Priz digresket evit an dud dilabour, ar studierien hag al liseidi, hag an dud a zo gant skoazelloù sokial
  • Ma vefe nullet ar staj abalamour da epidemiezh ar c’horonavirus e voc’h restaolet 100%
  • Ma fell deoc’h paeañ dre chekenn, trugarez da lakaat an urzh da Skol an Emsav ha da gas ho chekenn war-eeun dezho e Roazhon
  • Serr e vo an enskrivadurioù d’an 13 a viz Even 2022

Distro war ar stajoù tremenet dre luc’hskeudennoù

Staj an 30 a viz Du 2019 e kreizenn Yezhoù ha Sevenadur e Sant-Ervlan

Staj an 29 a viz C’hwevrer ha 1añ a viz Meurzh 2020 e Penc’herieg

Staj ur sizhun etre ar 6 hag an 10 a viz Gouere 2020 e kreizenn Yezhoù ha Sevenadur e Sant-Ervlan