Kentelioù war ar brezhoneg evit an dud deuet a vez kinniget e meur a gumun eus departamant Liger-Atlantel. KanN a ginnig deoc’h ur red-deskiñ a 5 live evit ma c’hallfec’h deskiñ peadra da vezañ komprenet ha da gompren ar re all.
⚠️ Lec’hioù, liveoù hag euriadoù distro-skol 2024-2025 n’int ket bet kadarnaet c’hoazh. Cheñchet pe nullet e c’hell bezañ ar c’hentelioù.
Kentel tañva digoust :
A-hed ar bloavezh e vez tu mont da welet penaos e vez kaset ar c’hentelioù. N’eus nemet da gas deomp ur postel gant lec’h ha live ar gentel ho pefe c’hoant da gemer perzh enni.
Kartenn kentelioù 2024-2025 (da gadarnaat)
Poentoù melen : kentelioù/stalioù brezhoneg kinniget gant Kentelioù an Noz
Poentoù glas : kentelioù/stalioù brezhoneg kinniget gant kevredigezhioù all
Poentoù mouk : kentelioù/stalioù gallaoueg kinniget gant kevredigezhioù all
LIVEOÙ
Live 0 : Ar re n’o deus desket brezhoneg morse
Live 1 : Ar re a oar en em ginnig pe sevel frazennoù simpl
Live 2 : Etre, evit deskiñ poentoù yezh araokaet
Live 3 : Etre +, evit kreñvaat ar pep desket
Mont Pelloc’h (Kentel Komz) : Evit mont donoc’h gant istor ar yezh, ar gomz hag adweladennoù
Bodad Komz : Stal viziek diwar-benn un tem evit ar re varrek gant ar gomz
Kentel Lenn : Stal lenn evit kregiñ pe mont pelloc’h gant lennegezh e brezhoneg
Bodad Lenn : Klub-lenn evit brezhonegerien ampart
TITOUROÙ A-BOUEZ
-
Kroget e vez bep bloaz gant ar c’hentelioù e sizhun diwezhañ miz Gwengolo
-
Un emvod-distro a vez aozet e miz Gwengolo
- Evit ma vefe dalc’het ur strollad eo ret kaout 5 den d’an nebeutañ. Mod-all e vefe kinniget deoc’h ur strollad all pe restaolet hoc’h enskrivadur
- Da bep hini e lusk ! Tu a zo heuliañ en-dro ar memes live ar bloavezh war-lerc’h pe cheñch strollad e-kerzh ar bloavezh krog
- Resteurel : Ne vo ket tu deomp resteurel ac’hanoc’h paset ur miz-kentelioù (zoken ma oac’h ezvezant)
PRIZIOÙ HAG ENSKRIVAÑ
Gall a rit emezelañ ha/pe lakaat e anv dre chekenn(où) da gKentelioù an Noz 12, avenue de l’Angevinière 44800 SAINT-HERBLAIN. Gall a rit sevel 3 chekenn a vo enkefiet e miz Here, Du ha Kerzu.
Fichenn enskrivañ paper 2024-2025 : A-benn nebeut
- RESTEUREL : Ne vo ket tu deomp resteurel ac’hanoc’h paset ur miz-kentelioù (zoken ma oac’h ezvezant)
- Pep enskrivadur a zle bezañ kaset gant un EMEZELADUR. Da lâreteo : kentel/obererezh + 20€ emezelañ
- PRIZIOÙ DIGRESKET : Studierien ha studierezed, tud dilabour, tud izel o gounidoù. Evit an eil ezel eus ar memes oaled. An izili evit un eil obererezh (da skouer : kentel+Stal ganañ). Kerent skol Diwan NAONED
- Ar re o deus ar gwir da gaout ar GARTENN WENN (CARTE BLANCHE) a c’hell goulenn bezañ paeet hoc’h enskrivadur gant CCAS Naoned : https://metropole.nantes.fr/carte-blanche
- Degemeret e vez ivez ar CHEKENNOÙ VAKAÑSOÙ
STUMMADUR HIR E SANT-ERVLAN
Stummadur gentañ adalek an 3/09/24 betek an 18/03/25
Kaset e vez ur stummadur micherel war ar brezhoneg gant Skol an Emsav e Sant-Ervlan (Erv Breizh.Hent Gwened)
- 35h/sizhun e-pad 6 pe 9 viz
- Digor d’an deraouidi ha liveoù izel
- Tremenet e vez an Diplom Barregezh war ar Yezh (DBY) – Diplôme de Compétence en Langue (DCL, diplôme d’Etat)
- Tu zo bezañ arc’hantaouet ar stummadur (CPF, Skoazell Rannvro Breizh ha Frañs Labour…)
KENTELIOÙ/STALIOÙ BREZHONEG E LEC’HIOÙ ALL E BRO-NAONED :
GWENRANN : Skol al Louarn – https://www.skolallouarn.org/activites/coursbreton/
PORNIG / PORNIZH : Kelrc’h Keltiek Pornizh – http://cercleceltique44210.e-monsite.com/
MISILHA / MERZHELIEG : Kevredigezh “Du Breton à Missillac”
BRO-REDON : Gwelet ‘vo – https://gweletvo.wordpress.com/cours/
