Ur wech bep daou viz e kenaozomp gant Radio Naoned ur stal sevel ur gronikenn. Ar stal a zo buhezet d’ar Sadorn gant Liza Jakez-Vargas, e-karg eus ar c’helenn e Kentelioù an Noz, ha Marianne Vaidie, animatourez radio e Radio Naoned.
Selaouit ouzh ar c’hronikennoù bet savet da geñver ar stal-mañ gant ar berzhidi !
Kronikennoù an 11 a viz Kerzu 2021
Ar botoù-koad gant Aude
![](http://breton-nantes.bzh/wp-content/uploads/2022/03/AUDE_MERRIEN_MAAS_RADIO_NAONED_KANN_KENTELIOU_AN_NOZ_KRONIKENNOU_MARIANNE_VAIDIE_LIZA_JAKEZ_VARGAS-300x227-2.jpg)
An ekologourez Aude Merrien-Maas a zispleg deomp eo kalz gwelloc’h implij botoù-koad evel he zad-kozh gwechall evit liorzhañ e plas an heuzoù plastek a vez gwelet bremañ.
Klikit amañ evit selaou ouzh ar podkast
Ar c’hakao gant Patricia
![](http://breton-nantes.bzh/wp-content/uploads/2022/03/PATRICIA_KAKAO_RADIO_NAONED_KENTELIOU_AN_NOZ_KRONIKENNOU_MARIANNE_VAIDIE_LIZA_JAKEZ_VARGAS-200x300-2.jpg)
Patricia a gont deomp istor ar c’hakao en Europa.
Gant piv eo bet degaset ? Ha gant piv eo bet brudet ? Hag ur rekipe evit fardañ chokoladennoù a vo da glevet e fin ar gronikenn.
Klikit amañ evit selaou ouzh ar podkast
Kronikennoù an 13 a viz Meurzh 2021
An dizingalded etre ar baotred hag ar merc’hed er skol gant Mathilde
![](http://breton-nantes.bzh/wp-content/uploads/2021/11/Radio_Naoned_Bzhg_Brezhoneg_Kenteliou_An_Noz_Stal_Kronikennou_Ingalded_Kevalted_Skol_Deskadurezh_Edith_Maruejols-300x194-2.jpg)
An dizingalderioù etre ar merc’hed hag ar baotred a grog er skol. Diwar studiadenn Edith Maruéjols, doktorez war an douaroniezh, e tispleg Mathilde deomp implij ar porzhioù-skol kentañ derez gant ar vugale. Ar baotred a c’hoari mell-droad e-kreiz hag ar merc’hed a chom war ar bordoù. Hervez Mathilde eo pouezus en em soñjal war an dra-se rak ar porzh-skol a zo al lec’h foran kentañ ma vez darempredet gant ar vugale.
Klikit amañ evit selaou ouzh ar podkast
Plas ar maouezed war leurennoù Breizh gant Anne-Gaelle Ardiet
![](http://breton-nantes.bzh/wp-content/uploads/2021/11/Radio_Naoned_Bzhg_Brezhoneg_Kenteliou_An_Noz_Stal_Kronikennou_Anne_Gaelle_Ardiet_Ingalded_Kevalted_Sonerezh-300x200-1.jpg)
Muioc’h-mui e vez lakaet ar gaoz war an ingalded etre ar merc’hed hag ar baotred, ha gwell a se ! Met labour a chom c’hoazh. E bed ar sonerezh da skouer n’eo ket kevelet ar merc’hed hag ar baotred war al leurennoù. Anne-Gaëlle ‘deus bet c’hoant da ziskouez dre ur gronikenn, pegen skañv e oa an niver a vaouezed war leurennoù ar vro. Diwar skouerioù ha sifroù kavet ganti en hec’h enklaskoù e tispleg deomp na ral e vez klevout merc’hed o seniñ dreist-holl. Festoù-noz, sonadegoù met ivez er bagadoù n’eus ket kalz a vaouezed anvet da Benn Sonerez c’hoazh.
Klikit amañ evit selaou ouzh ar podkast
Kronikennoù an 10 a viz Here 2020
An dilhadoù hengounel gant Mazheas Gwivarc’h
![](http://breton-nantes.bzh/wp-content/uploads/2020/11/Radio_Naoned_Kerne_Bzhg_Brezhoneg_BZH_Breizh_Sevel_Ur_Gronikenn_Kronikenn_Kenteliou_An_Noz_Mazheas_Gwivarch_Dilhad_Hengounel_Vetements_Tenues_Traditionnelles_Hengoun_Traditions-300x200-1.jpg)
E-pad bloaz en deus bevet Mazheas en Aostria. Eno en doa arvestet da ouel sevenadurel Aufsteirern ha gwelet evit ar wech kentañ dilhadoù hengounel ar vro. Displegañ a ra deomp en e gronikenn an diforc’hioù etre dilhadoù hengounel Breizh ha reoù Bro-Aostria.
Klikit amañ evit selaou ouzh ar podkast
Un tamm preder war keleier ar bed gant Yann-Bêr Quirion
![](http://breton-nantes.bzh/wp-content/uploads/2020/11/Radio_Naoned_Kerne_Bzhg_Brezhoneg_BZH_Breizh_Sevel_Ur_Gronikenn_Kronikenn_Kenteliou_An_Noz_Yann-Ber_Quirion_Taol_Imor_Keleier_Mediaou_Information_Medias-300x200-1.jpg)
Yann-Bêr Quirion a rann ganeomp e breder diwar-benn ar c’heleier a vez embannet bemdez gant media-mañ-media ! Sed amañ e daol-imor, harpet diwar an traoù en deus klevet er radio pe lennet er c’hazetennoù.
Klikit amañ evit selaou ouzh ar podkast
Ar c’hwiliorez european gant Aude Merrien-Maas
![](http://breton-nantes.bzh/wp-content/uploads/2020/11/Radio_Naoned_Kerne_Bzhg_Brezhoneg_BZH_Breizh_Sevel_Ur_Gronikenn_Kronikenn_Kenteliou_An_Noz_Aude_Merien-Maas_Penn-March_European_CHwiliorez-300x169-1.jpg)
Un ekologourez penn-kil-ha-troad eo Aude ! Evit he ferzh kentañ er stal sevel ur gronikenn he deus dibabet lakaat ar gaoz war un amprevan gouest da spontañ an dud. Ar c’hwiliorez european pe ar bennmarc’henn !
Klikit amañ evit selaou ouzh ar podkast
Kronikennoù ar 14 a viz Meurzh 2020
Mamie Blue ! gant Danielle Padel
![](http://breton-nantes.bzh/wp-content/uploads/2020/06/Radio_Radio-Naoned_Radio-Kerne-Naoned_Naoned_Bzhg_Brezhoneg_Marianne-Vaidie_Sevel-Ur-Gronikenn_Kentelioù-an-Noz_Danielle-Padel-300x199-2.jpg)
Danielle zo boaz bremañ da gemer perzh er stal “Sevel ur gronikenn”, ha deuet eo brav ganti ! Hiziv e kinnig deomp un taol imor diwar-benn he mab-bihan.
Klikit amañ evit selaou ouzh ar podkast
Portmagee gant Joël Le Callonnec
![](http://breton-nantes.bzh/wp-content/uploads/2020/04/Radio_Radio-Naoned_Radio-Kerne-Naoned_Naoned_Bzhg_Brezhoneg_Marianne-Vaidie_Sevel-Ur-Gronikenn_Kentelioù-an-Noz_Bro-Iwerzhon_Portmagee_Iwerzhon_Joel-Le-Callonec-300x200-1.jpg)
Bet eo Joël o vakañsin e Bro-Iwerzhon. Erruet war-zu Portmagee, e kornog ar vro, en doa diskoachet e oa ul liamm etre Naoned ha Portmagee. Met pehini ?
Klikit amañ evit selaou ouzh ar podkast
Ar “Phising” gant Patrig Renaudineau
![](http://breton-nantes.bzh/wp-content/uploads/2020/04/Radio_Radio-Naoned_Radio-Kerne-Naoned_Naoned_Bzhg_Brezhoneg_Marianne-Vaidie_Sevel-Ur-Gronikenn_Kentelioù-an-Noz_Phishing_Padrig_-300x207-2.jpg)
Ar “Phishing” a zo doareoù-ober gant ar sibertorfederien evit dastum ho niverennoù bank. Padrig a zispleg deomp hiroc’h.
Klikit amañ evit selaou ouzh ar podkast
Belfast gant David Le Bourhis
![](http://breton-nantes.bzh/wp-content/uploads/2020/03/Kronikenn_David_Le_Bourhis.jpg)
Ma fell deoc’h mont da veajiñ ha gweladenniñ Belfast dreist-holl… David Le Bourhis a ginnig deoc’h ur gronikenn a sikouro ac’hanoc’h d’ober anaoudegezh gant kêrbenn norzh Bro-Iwerzhon.
Klikit amañ evit selaou ouzh ar podkast
Istor Breizh gant Visant Roue
![](http://breton-nantes.bzh/wp-content/uploads/2020/03/Radio_Radio-Naoned_Radio-Kerne-Naoned_Naoned_Bzhg_Brezhoneg_Marianne-Vaidie_Sevel-Ur-Gronikenn_Kentelioù-an-Noz_Visant-Roue_Istor-188x300-1.jpg)
Alies e kroger da gomz diwar-benn ar Vretoned p’en em gavont da Arvorig. Met un istor hir ‘zo bet a-raok. Alese ar goulenn-mañ : adalek pegoulz ez eus anv eus Breizh en istor ?
Klikit amañ evit selaou ouzh ar podkast
Ar bezhin glas gant Laurence Garcia
![](http://breton-nantes.bzh/wp-content/uploads/2020/03/Algues-vertes-1-228x300.jpg)
Ar bezhin glas, setu eus ‘pezh ‘vo kaoz er gronikenn-mañ.
N’eus ket pell ‘zo e oa bet embannet ur vanenn-dreset savet gant Pierre Van Hove ha skrivet gant ur gazetennerez dizalc’h, Inès Léraud, anvet “Algues vertes, Histoire interdite”. E-pad daou vloaz he deus enklasket Inès Léraud war an danvez-mañ : Penaos eo bet marvet an dud hag al loened war an traezh ? Deus pelec’h e teu ar bezhin-glas-se ? Perak ne ra kazi netra den ebet ? Ouzh kalz tud vut he deus kejet. Un afer rividik eo.
Klikit amañ evit selaou ouzh ar podkast
Kronikennoù an 18 a viz Genver 2020
Pierre Abelard gant Brigitte Ar Gov
![](http://breton-nantes.bzh/wp-content/uploads/2020/03/Sevelurgronikenn18012020pierreabelard-225x300.jpg)
Diskoachañ Palez Bro-Gwinieg gant Kentelioù an Noz Gwinieg setu ar pezh he deus graet Brigitte ar Gov.
Hag evit he c’hronikenn gentañ he deus bet c’hoant kontañ deomp istor ar prederour / filozof Pierre Abelard ganet er Palez e 1079.
Klikit amañ evit selaou ouzh ar podkast
Ar fablennoù gant Danielle Padel
![](http://breton-nantes.bzh/wp-content/uploads/2020/03/Sevelurgronikenn18012020adstummet-300x256.jpg)
Fablennoù : diouzhtu e vez soñjet e re “Jean de la Fontaine” troet e galleg ken flour evel-just !
Met a-raozo e oa brudet-tre reoù Esope, e gresianeg kozh.
Lod al lennegezh hengounel e vezont er bed a-bezh ! E brezhoneg e vezont kavet ivez ?
N’eus ket pell eo bet klokaet hag embannet oberenn an aotrou Combeau, deus an XIXvet kantved, gant Daniel Doujet.