Kentelioù an Noz a zo ur gevredigezh pouezus war dachenn ar c’helenn brezhoneg e Liger-Atlantel abaoe 1985. Hiziv e stroll ar gevredigezh-mañ e-tro 200 ezel. Ouzhpenn ar c’hentelioù sizhuniek e vez kinniget gant Kentelioù an Noz stajoù hag obererezhioù e brezhoneg. En deroù, e oa tolpet ar gevredigezh en Naoned dreist-holl, ha tamm-ha-tamm ez eo en em astennet da beurrest meurgêr Naoned. Abaoe 2000, ez eus eus Kentelioù an Noz e Liger-Atlantel a-bezh.
Skoazellet gant ar galloudoù publik (Kuzul rannvroel Breizh, Kuzul departamantel Liger-Atlantel, Kêr Naoned, Kêr Reudied), he deus Kentelioù an Noz dalc’het he startijenn gevredigezhel hag he deus gallet war ar memes tro en em vicherelaat a-hed he 30 bloavezh buhez. Gopret e vez 13 den enni hiziv.

Penaos eo meret ar gevredigezh ?

Kadoriet eo bet KanN er bloavezhioù tremenet gant :

Hiziv ez eo meret ar gevredigezh gant ur c’huzul-merañ en un doare renerezh a-stroll gant 8 den ennañ :

A-gleiz da zehou war al luc’hskeudenn : Danielle Padel, Valérie Baron-Djibrila, Nikolaz David, Claude Simon, Aude Daguin-Looten (a oa e kuzul-merañ ar gevredigezh warlene), Alixia Thuau ha Clément Noël. Mankout a ra Melaine Looten hag Hoel Mahe war al luc’hskeudenn.